Кои производи може да се персонализираат?

Моки производите се со авторски дизајн, веќе подготвени однапред.
На тој начин – со купување на кој било производ вие не само што го поддржувате мојот бизнис,
туку и мојата уметност и начин на изразување.
Ви благодарам за тоа!

Во моментов единствено може да се персонализираат два производа,
а тоа се принтовите со илустрација кои може да бидат според ваша фотографија
или покани за драг настан во вашиот живот.

Во прилог погледнете неколку идеи.
Уживајте!

 

Персонализирана илустрација од едно семејство, изненадување за родителите. <3
Персонализирана илустрација - изненадување за партнерот. <3
Илустрација според стара фотографија, спомен од баба и дедо. <3
Илустрација за мајка и сестра. <3
Илустрација за другарки според заедничка фотографија од детството. <3

___________________________________________________
Ова се неколку покани за свадба кои ги имам изработено.
Може да бидат според ваша фотографија, 
или пак може да бидат со поинаков дизајн со заедничка консултација.
Ковертите не се задолжителни, но доколку се одлучите и за нив –
може да се дизајнираат и персонализираат. 

Поканите може да бидат за каков било настан.

Овој пар сакаше покана за свадба со нивните ликови, во придружба на домашните миленичиња. За ова потребна ми е некаква фотографија од вас, или барем од вашите ликови, и фотографии од вашите миленичиња. Напомена: Луѓето и животните нема да изгледаат хипер-реалистично, туку ќе бидат илустрирани во авторскиот стил.
Тие се одлучија за два вида коверти и сакаа да бидат персонализирани со имињата на гостите.
Овој пар исто така се одлучи за покана со нивните ликови и со миленичињата.
Тие се одлучија и за дизајнирани коверти во придружба на картичките.
Кутијата со покани - спремна за предавање. <3
Овој пар се одлучи за цветен дизајн во пастелни бои.
Тие имаа и многу креативна идеја за дизајнирање лист со прашања кои гостите на свадбата ќе ги одговорат и ќе ги остават во кутија. <3
Поканите и листовите ги предаваа на гостите во дизајнирани коверти, а гостите ги искористија ковертите за во нив да ги стават пополнетите листови.

За цени и детали околу персонализираните илустрации или поканите 
 пишете ми порака на Инстаграм, или на мејлот Stojanovskamonika93@gmail.com.

Голема прегратка,
М.

Shopping Cart
Scroll to Top